Dance Competition Mein Saxena Family
Jairaj Adit se kehta hai ki event ka sponsor hone ke naate usko guests ko attend karna chahiye. Kusum beech mein bolti hai ki Jairaj khud bhi toh wahan present hai. Tab Adit apni family ko batata hai ki Jairaj is event ke chief guests mein se ek hai. Ye sunkar Gayatri ko shak hone lagta hai. Iske baad sab log dance competition dekhne chale jaate hain.
Mangal Ko Family Ki Safety Ki Tension
Mangal Jairaj se apni tension share karti hai. Wo kehti hai ki poori family ke saamne mission par focus karna mushkil hoga. Agar un logon ke paas guns hui toh Saxena family danger mein aa sakti hai. Jairaj usko assure karta hai aur Saxena family ki safety ki poori responsibility le leta hai.Sowmya Ki Entry Se Sab Shocked Competition ki pehli contestant Sowmya hoti hai.
Saxena family use stage par dekhkar shock ho jaati hai kyunki usne pehle bimaar hone ka bahana banaya tha. Shanti turant Kusum se puchti hai ki hum logon ne kaise maan liya ki Sowmya bimaar hai. Dono milkar Sowmya ko confront karti hain. Kusum puchti hai ki kya uski bimaari jhooth thi aur kya wo koi planning kar rahi hai. Sowmya batati hai ki wo sach mein bimaar hai, lekin prize money jeetne ke liye competition join kiya hai. Wo kehti hai ki wo unka ghar chhodkar kisi chote gaon mein apni zindagi bitana chahti hai. Shanti uski baat par bharosa nahi karti aur usko criticize karti hai. Kusum Shanti se kehti hai ki abhi Mangal ka performance zyada important hai, unhe wahi dekhna chahiye.
Shanti maan jaati hai aur kehti hai ki Sowmya kabhi bhi Mangal se nahi jeet sakti.Sowmya Peechhe Hatne Se Inkaar Karti Hai Adit Sowmya ke paas jaata hai aur request karta hai ki wo competition mein participate na kare kyunki uski poori family wahan hai. Sowmya ulta usse puchti hai ki kya usko pata tha Mangal bhi participate kar rahi hai. Adit kehta hai ki use abhi-abhi pata chala hai. Sowmya saaf keh deti hai ki ab wo peechhe nahi hategi, kyunki ab ye uske liye personal ho gaya hai. Ye kehkar wo wahan se chali jaati hai.
Stage Performances Aur Aarav Ka Close Call Sabse pehle Shubhi stage par perform karti hai. Tabhi Ishana ko bheed mein Aarav dikhta hai. Wo uske paas jaati hai par realise karti hai ki wo koi aur hai. Apni galti samajhkar wo wahan se chali jaati hai. Aarav rahat ki saans leta hai ki Ishana ne use pehchana nahi. Shubhi ke baad Mangal ka performance hota hai.Sowmya Ki Saazish Ka Khulasa Reveal hota hai ki Sowmya ne Mangal ke ghungroo ke saath chhedchhaad ki hai taaki wo competition se bahar ho jaye.
Pairon mein dard hone ke bawajood Mangal poori himmat se dance karti rehti hai. Dance karte hue Mangal ki nazar Aarav par padti hai jo kisi se chupkar mil raha hai. Wo stage se hi Jairaj ko signal dene ke liye Aarav ki taraf ek gulaab phenkti hai. Jairaj signal samajh jaata hai aur wahan se nikal jaata hai. Mangal dard sehne ke baad bhi apna performance complete karti hai.“Scorpion Lady” Ka Twist Adit Sowmya ko call karke batata hai ki “scorpion lady” aa chuki hai.
Sowmya haan kehti hai aur turant nikal jaati hai. Jairaj aur Mangal, Adit, Sowmya aur Aarav ka peechha karte hain. Raaste mein Mangal gir jaati hai aur teeno unke haath se nikal jaate hain. Udhar Adit, Sowmya aur Aarav scorpion lady se milte hain aur kehte hain ki consignment ready hai.Mangal Ka Next Plan Mangal Jairaj ko batati hai ki usne pehle se Adit ke phone mein microchip install kar rakha hai. Usi se wo log Adit ki location track karte hain aur pata chalta hai ki ek room lock hai. Mangal kehti hai ki wo air duct se andar jaakar unki baatein sun sakti hai. Jairaj maan jaata hai kyunki aur koi option nahi bacha hai.
